நவரத்தினங்களால்ஏற்படும்நன்மைகள்

நவரத்தினங்களால் ஏற்படும் நன்மைகள்:
=================================

வாழ்க்கை வண்டியானது நம்பிக்கை சக்கரத்தில்தான் சுழன்று கொண்டிருக்கின்றது.

என்னால் இது முடியும், நான் இதைச் சாதிப்பேன், வாழ்க்கையில் நானும் உயர்வடைவேன் என ஒவ்வொருவருக்கும் ஒவ்வொரு லட்சியங்கள்.

லட்சியங்கள் இல்லாத வாழ்க்கை தண்ணீர் இல்லாத ஓடையைப் போன்றது. வறண்ட வாழ்க்கையை யாரும் விரும்புவதில்லை.

எதையாவது சாதிக்க வேண்டுமென்பதே ஒவ்வொருவரின் கனவாகும்.

 பிறப்புக்கும், இறப்புக்கும் இடையில் வாழும் நாட்களானது லட்சியங்கள் நிறைந்ததாக இருக்கு வேண்டும்.

ஆனால் நினைத்தவுடன் நம் லட்சியங்கள் எல்லாவற்றையும் நிறைவேற்றிட முடியாது. கேட்டவுடன் எதுவும் கிடைத்து விடாது.

விடாமுயற்சியும் தன்னம்பிக்கையும்தான் வாழ்க்கையின் தரத்தை உயர்த்தும்.

இறைவன் இருக்கின்றானா? இல்லையா என்பதை ஆராய்ச்சி செய்வதைவிட, நமக்கும் மேல் ஒரு சக்தி இருக்கிறது என்பதை நம்பினால் போதும். அது எந்த உருவத்தில் இருந்தாலும் சரி.

மழை பெய்வதும், குழந்தை பிறப்பதும் நம் கையில் இல்லை என்பார்கள். ஒரு குழந்தை பூமியில் பிறந்தவுடன் அந்த தேதி, மாதம், வருடம், நேரம், பிறந்த ஊர் ஆகியவற்றை வைத்து ஜனன ஜாதகம் என்ற ஒன்றைக் கணிக்கிறோம்.

அந்த குழந்தை பிறந்த நேரத்தில் என்ன நட்சத்திரம் உள்ளதோ அதுவே அக்குழந்தையின் ஜனன நட்சத்திரம் ஆகும்.

நவக்கிரகங்களில் அந்த நட்சத்திரம் எந்த கிரகத்திற்குரியதோ,அந்த கிரகத்தின் திசைதான் அக்குழந்தைக்கு முதலில் நடைபெறும்.

இது தொன்று தொட்டு நடைமுறையில் உள்ளது. ஒரு மனிதனுக்கு எவ்வளவு திறமைகள் இருந்தாலும், அவனது வாழ்வில் கிடைக்கும் வெற்றிகளை வைத்தே அவனுடைய பெயரையும் புகழையும் உயர்த்தும் நல்வாழ்வு கிடைக்கும்.

அதுவே தொட்டதெல்லாம் தோல்வியாகும் போது மனம் உடைந்து போகிறான். ஏனிந்த அவலநிலை என யோசிக்கிறான்.

உடல் நிலை சரியில்லாதபோது டாக்டரைத் தேடி ஓடுவதைப் போல வாழ்க்கை நிலை சரியில்லாதபோது அவனுடைய ஜனன ஜாதகம் என ஒன்றிருப்பது அவனின் நினைவுக்கு வரும்.

அப்பொழுது ஜனன ஜாதகம் கிரக நிலைகள் என்ன திசையில் நடைபெறுகிறது, அத்திசையில் விளையும் நன்மை தீமைகள் என்னென்ன?

என்பதை அறிந்து கொள்வதுடன் நவரத்தினங்களைப் பற்றியும் கேள்விப்படுகிறோம். நடைபெறும் திசை பலமற்று இருந்தால், அத்திசையை பலப்படுத்துவதற்காக அத்திசைக்குரிய நவரத்தினக் கல்லை அணிந்து கொண்டால் வாழ்வில் உள்ள பிரச்சினைகள் குறையும் என்பதையும் உணர்கிறோம்.

நவரத்தினங்கள் அணிவதிலும் நிறைய விதிமுறைகள் உள்ளன. பலர் நவரத்தினங்களை ஒன்றாக சேர்த்து அணிகிறார்கள். இது முற்றிலும் தவறானதாகும்.

எல்லா நவரத்தினங்களும் ஒரே நேரத்தில் நல்லதைத் செய்யும் எனக்கூறமுடியாது.

சில ரத்தினங்கள் அந்த ஜாதகருக்கு தோஷத்தை தருவதாக இருந்தால் நற்பலன்கள் ஏற்படுவதற்கு பதில் எதிர்மறையான பலன்களை உண்டாக்கிவிடும்.

அதாவது எலி வலைக்கு பயந்து புலி வலையில் தலை வைத்ததைப் போல ஆகும்.

சாதாரணமாக ஒரு இரத்தினத்தை ஒரு கேரட்டிற்கு மேல்தான் அணிய வேண்டும்.

அது போல எண்கணிதப்படி இரத்தினங்ள் அணிவதும் நற்பலனைத் தரும்.

எண்கணிதப்படி இரத்தினங்கள் அணிவதால் வாழ்வில் முன்னேற்றங்கள் ஏற்படும்.

 நட்சத்திரத்ரரின் அடிப்படையிலும் நவரத்தினங்களை தேர்வு செய்யமுடியும்.

அதிலும் குறிப்பாக நமக்கு என்ன திசை நடக்கிறதோ, அந்த திசை எந்த கிரகத்தின் ஆதிக்கத்திற்குரியதோ, அதற்கேற்ற ரத்தினங்களை அணிந்து கொள்வதே நல்லது.

அப்பொழுதுதான் அந்த கிரகத்திற்குரிய பலனானது திருப்பி விடப்பட்டு செய்யப்பட்டு வாழ்வில் பிரச்சினைகள் குறைந்து முன்னேற்றப் பலன்களை அடைய முடிகிறது.

சிலர் தலைவலிக்கு கடையில் மருந்து மாத்திரை வாங்கி சாப்பிட்டேன். சரியாகி விட்டது.

ஆனால் மீண்டும் வந்து விட்டது என கூறுவார்கள்.

அதுபோல நாமே ஒன்றை முடிவு செய்து ஏதாவது ஒரு கல்லை வாங்கி அணிந்து கொண்டு இது இப்படி, அது அப்படி என புலம்புவதை விட நல்ல ஜோதிடராக பார்த்து கலந்தாலோசித்து அதற்கேற்றவாறு நவரத்தினங்களை அணிவது சிறப்பு.

நவரத்தினங்கள் பல ஆண்டுகளுக்கு முன் பிருந்தே புழக்கத்தில் உள்ளதாக பல ஆராய்ச்சி நூல்கள் கூறுகின்றன.

அவற்றுள் ரத்தினக் கற்கள் பற்றிய குறிப்புகளும் முக்கியமானதாகும்.

மனித தோற்றம் எவ்வளவு பழமையானதோ, ரத்தினக் கல்லும் அவ்வளவு பழமையானதாகும்.

எப்படி அணிவது?

 நவரத்தினங்களை பூஜையில் வைத்து அதற்கேற்ற சக்திகளை ஏற்றி நல்லபடியாக வாழ்க்கை வளம்பெற செய்து தருவார்கள்.

நாமே கடையில் சென்று வாங்கும் போது வீட்டிற்குக் கொண்டு வந்து பூஜையறையில் வைத்து இறைவனை வழிபட்டு சுத்தமான பசும்பாலில் இரவு முழுவதும் ஊறவைத்து மறுநாள் சுப ஓரையில் அந்த ரத்தினத்திற்குரிய விரலில் அணிந்து கொள்வது நல்லது.

எந்தக்கை, மற்றும் எந்த விரலில் ரத்தினக்கல் மோதிரங்களை அணிய வேண்டும் என்பதிலும் சில விதிமுறைகள் உள்ளன.

அதாவது வலது கை குருவாலும், இடது கை சுக்கிரனாலும் ஆளப்படுகின்றது. உடலின் உயிர் சக்தியானது அதிகமாவது அல்லது குறைவதை வலது மற்றும் இடது கைகள் குறிக்கின்றன.

தீய கிரகத்தின் திசை நடைபெற்று அந்த தீய விளைவைக் குறைக்க ஒரு ரத்தினம் அணிய வேண்டியிருந்தால் அதனை இடது கையில் அணிய வேண்டும்.

பலம் பெற்ற கிரகத்தின் திசை நடைபெற்று அதன் பலத்தை மேலும் அதிகரிக்க அத்திசைக்குரிய கிரகத்தின் ரத்தினத்தை வலது கையில் அணிய வேண்டும்.

அதேபோல அசுபத் தன்மையுடைய கிரகத்தின் அசுபத் தன்மையைக் குறைக்க அந்த கிரகத்திற்கு எதிரான இரத்தினத்தை அணிவதும் நற்பலனை ஏற்படுத்துவதாக பண்டைய நூல்கள் கூறுகின்றன.

உதாரணமாக, ராகு திசை நடந்து ராகு அந்த ஜாதகருக்கு அசுபராக இருந்தால் கனக புஷ்ப ராகம் அல்லது புஷ்பராக கல்லை வலது கை மோதிர விரலில் அணிய வேண்டும்.

 ஏனென்றால் புஷ்பராகவும் குருவின் ரத்தினமாகும். குருவும், ராகுவும் பகைவர்கள். இதனால் சுபகிரகமாகிய குருவின் ரத்தினத்தை அணிவதால் ராகுவால் உண்டாகக்கூடிய அசுப தன்மைகள் குறையும்.
===================
தரமான அதிஷ்ட கல் அணிவதன் மூலம் நம் உடல் ஆதிர்வுகளால் சிந்தனை மேலோங்கும், நல்ல அதிஷ்டத்தையும் ,செல்வாக்கையும் பெற முடியும். காரிய தடைகளை சரி செய்ய முடியும்.
நல்ல வேலை வாய்ப்பையும் பெற முடியும்.  தடை பெற்ற திருமண வாழ்க்கையை அமைத்து கொள்ளலாம். நோய் நொடிகளையும் குணப்படுத்தி கொள்ள முடியும்.
இயற்கை தரும் அதிஷ்ட நவரத்தின கல் .
===========================
நன்றி வாழ்க வளமுடன்

நோய்திர்க்கும்ரத்தினங்கள்

நோய் தீர்க்கும் ரத்தினங்கள்:
========================
ஒருவருடைய சுய ஜாதகத்தின் அடிப்படையில், பாக்கியாதிபதி இருக்கும் இடமறிந்து, அதன் பாதசார பலமறிந்து, நவாம்சத்தில் அது இருக்கும் நிலையறிந்து அதற்குரிய ரத்தினத்தை தேர்ந்தெடுக்க வேண்டும்.

ஒருவருடைய சுய ஜாதகத்தின் அடிப்படையில், பாக்கியாதிபதி இருக்கும் இடமறிந்து, அதன் பாதசார பலமறிந்து, நவாம்சத்தில் அது இருக்கும் நிலையறிந்து அதற்குரிய ரத்தினத்தை தேர்ந்தெடுக்க வேண்டும். பின்னர் எந்த விரலில், எந்த வடிவத்தில் செய்து அணிய வேண்டுமோ, அப்படி அணிந்து கொண்டால் அற்புதப் பலன் கிடைக்கும். ரத்தினங்கள் மருத்துவக் குணம் கொண்டவை என்பதை அனுபவத்தின் மூலம் நீங்கள் காணலாம்.

 மாணிக்க கல் -
இதயக் கோளாறை நீக்கும்

வெண்முத்து -
தூக்கமின்மையைப் போக்கும்

பவளம் -
கல்லீரல் கோளாறை அகற்றும்.

மரகதம் -
நரம்புக் கோளாறைக் குணமாக்கும்

வைரம் -
இனவிருத்தி உறுப்புகளில்
ஏற்படும் கோளாறைச் சரிசெய்யும்.

வைடூரியம் -
சளி, கபம் போன்றவற்றைப் போக்கும்

புஷ்பராகம் -
வயிற்றுக் கோளாறைக் குணமாக்கும்

கோமேதகம் -
வாயுக் கோளாறை அகற்றும்

நீலம் -
வாதநோயைக் குணமாக்கும்.

நவ ரத்தினங்களைத் தேர்ந்தெடுக்கும் பொழுது நல்ல ஜாதி ரத்தினங்களைத் தேர்ந்தெடுத்து அணிந்து கொண்டால் உலகம் போற்றும் வாழ்க்கை அமையும்.

பலகோடி மடங்கு பலன் தரும்பாதரசலிங்கம்!

பலகோடி மடங்கு பலன் தரும் பாதரச லிங்க
கோடிக்கணக்கான சிவலிங்கங்களை பூஜிப்பதால் கிடைக்கும் பலன்களைவிட, பாதரச லிங்கத்தை பூஜிப்பதன் மூலம் பல மடங்கு பலன்களை எளிதில் பெற முடியும் என்கின்றன சாஸ்திர புராணங்கள். பிரம்மபுராணத்தின் கருத்துப்படி, மனதிலுள்ள ஆசைகளையெல்லாம் பூர்த்தி செய்யும் பாதரச லிங்கத்தை பூஜிக்கும் மனிதன் தன்யனாகிறான். யார் வேண்டுமானாலும் பாதரச லிங்கத்தை பூஜித்து எல்லா பவுதிக சுகங்களையும் அனுபவித்து, பரமபதத்தை அடைய முடியும். பிரம்மவைவர்த்த புராணம் சொல்லுவது என்னவென்றால் பாதரலிங்கத்தை விதிப்படியும் முறைப்படியும் ஒரே ஒரு முறை பூஜிப்பவர்கள்கூட சூரிய சந்திரர்கள் இருக்கும் வரை அளவில்லா சுகத்தைப் பெற முடியும்!

சிவ நிர்ணய ரத்னாகரம் என்ற நூலின் கருத்துப்படி கல்லாலான சிவலிங்கத்தை பூஜிப்பதைவிட கோடி மடங்கு நற்பலன், தங்கம் வேயப்பட்ட சிவலிங்கத்தை பூஜிப்பதால் கிடைக்கும். அதைவிட பன்மடங்கு பலன் ரத்தினங்கள் பதித்த லிங்கத்தை பூஜிப்பதால் கிடைக்கும். ஆனால் அதைவிட பலப்பல மடங்கு பலன், பாதரச லிங்கத்தின் பூஜை அல்லது தரிசனத்தாலேயே கிடைக்கும். பாதரச லிங்கத்தைவிட உயர்வான சிவலிங்கம் உலகில் இருந்ததுமில்லை; இருக்கப்போவதுமில்லை!

சிவபுராணத்தின் கூற்றுப்படி, பசு வதை செய்த பாவியும், நன்றிகெட்ட மனிதனும், வீரனைக் கொலை செய்தவனும், கர்ப்பத்தலுள்ள சிசுவைக் கொன்றவனும், தாய் தந்தையரைக் கொன்றவனும்கூட, பாதரச லிங்கத்தை பூஜித்து வந்தால், எல்லாப் பாவங்களிலிருந்தும் விடுபட்டு, முக்தியை அடைய முடியும்! வாய்விய சம்ஹிதையின் கருத்துப்படி நீண்ட ஆயுள், ஆரோக்கியம், ஐஸ்வரியம் மற்றும் நம் வாழ்வில் வேண்டுவதையெல்லாம் பெறுவதற்கு ஒரே சிறந்த சுலபமான வழி பாதரச லிங்கத்தை பூஜித்து வழிபடுவதுதானாம். பன்னிரண்டு ஜோதிர்லிங்கங்களை தரிசித்தவரைவிட, பாதரசலிங்கத்தை தரிசித்த அதிர்ஷ்டசாலியையே நான் அதிகம் விரும்புகிறேன்! என்று சிவபெருமானே சொல்லியிருக்கிறார்!

சர்வதரிசன சங்கிரகம் என்ற நூலில் பாதரசத்தை திடப்பொருளாக்கி, அதை லிங்கமாக்கி பூஜிப்பவர்களுக்கு, எப்போதுமே மரணபயம் இருப்பதில்லை. தவிர எந்த ஒரு காலத்திலும் அவர்கள் வீட்டில் வறுமை எட்டிப் பார்ப்பதில்லை என்று சிவபெருமான் பார்வதியிடம் கூறியிருப்பதாகச் சொல்லப்பட்டிருக்கிறது. ரசார்ணவ தந்திரம் என்ற நூலின் கருத்துப்படி எந்த ஒரு மனிதனும் ஒரே ஒருமுறை பாதரசலிங்கத்தை பூஜித்து விட்டாலே போதும், அவனுக்கு வாழ்கையில் அறம், பொருள், இன்பம், வீடு என்ற சித்திகள் கிடைத்துவிடுகின்றன. பிரசித்திபெற்ற ஆயிரம் லிங்கங்களை பூஜிப்பதால் கிடைக்கும் பலனைவிடக் கோடி மடங்கு நற்பலன், பாதரச லிங்கத்தை பூஜிப்பதால் கிடைக்கிறது.

ரசசமுச்சயம் என்ற நூலில், பாதரசலிங்கத்தைத் தொடர்ந்து ஆராதித்து வருவதால், எல்லாவித நோய்களிலிருந்தும் விடுதலை கிடைக்கிறது. வயதான காலத்தில், மனிதனை நோயின்றி வைத்துக் கொள்வதற்கு வேறெந்தத் தரவரத்திற்கோ, உலோகத்திற்கோ சக்தியில்லை. ஏனெனில் அவை எல்லாமே தண்ணீரில் கரைந்து போகக்கூடியவை; வெப்பத்தால் காய்ந்து போகக்கூடியவை. ஆனால் பாதரசம் ஒன்றுதான் எதனாலும் பாதிக்கப்படுவதில்லை.

பாதரசத்தை விசேஷச் செயல்பாடுகள் மூலம் திடபதார்த்த மாக்குவதால், அது அமிர்தமாகி விடுகிறது. அப்படி திடப்படுத்தப்பட்ட பாதரசத்தில் சிவலிங்கத்தை உருவாக்கி, அந்த லிங்கத்தை வழிபடும் பக்தர்களுக்கு கல்வி, அறிவு, செல்வம், சொத்து, சுகம், அமைதி, செழிப்பு, ஐஸ்வர்யம், மக்களன்பு முதலிய எல்லாப் பலன்களும் தானாகவே வந்தடைகின்றன. பாதரசம் நோய்களை அகற்றி புத்துயிரும் புது இளமையையும் கொடுக்கிறது. அதோடு அஷ்டசித்திகளையும் நவநிதிகளையும் அளிக்கிறது. சாதாரணமாக பாதரசத்தில் அழுத்தங்கள் நிறைய இருக்கும். அதை புடம் போட்டு அசுத்தங்களை அகற்றிய பிறகுதான் அது திடபதார்த்தமாக்கப்படுகிறது. அதிலிருந்து வடிவமைக்கப்படும் சிவலிங்கம் முழுப் பலன்களையும் அளிக்கவல்லது. விதிமுறைப்படி தினந்தோறும் அனுஷ்டானங்கள் செய்து பூஜை, அர்ச்சனை, ஆரத்தி முதலிய சேவைகள் செய்து ஆராதிக்கக்கூடியவர்கள் மட்டும் பாதரச லிங்கத்தை வீட்டில் ஸ்தாபிக்க வேண்டும். வெறும் லிங்கத்தைக் கொண்டு வந்து பூஜை அறையில் வைத்து விடுவதால் மட்டும் பலன் கிடைப்பதில்லை!

(*படத்தில் உள்ள லிங்கம் இரண்டு வருட காலமாக என் குருநாதரின் அருளாசியோடு பல்லாயிரம் அபூர்வ காய கல்ப மூலிகைகளை நவபாஷாணங்களுடன் சேர்த்து கட்டி... முழுக்க முழுக்க பாத ரசத்தினால் 1,008 புடங்களுடன் உருவாகிவரும் அபூர்வ ரசலிங்கம் முடிவடையும் தருவாயில் உள்ளது. வருகின்ற வைகாசி விசாகத்தன்று  அன்று முதல் முதலாக  இந்த ரசலிங்கத்தை உரிய சித்த , வேத , ஆகம விதி முறைப்படி பூஜிக்க போகிறேன். இதை பார்ப்பதே கோடி கோடி புண்ணியம்*)

ரத்தினங்கள்எப்படிஉருவாகின்றன?எப்படிபலன்தருகின்றன?

ரத்தினங்கள் எப்படி உருவாகின்றன, எப்படி பலன் தருகின்றன.

ரத்தினங்கள் என்பது, இயற்கை அன்னை மனிதனுக்கு கொடுத்துள்ள விலை மதிப்பற்ற பொக்கிஷங்களாகும். ரத்தின கற்கள் பல காரணங்களால் (இயற்கையிலேயே) பூமிக்குள் உருவாகின்றன.

கோடிக்கணக்கான ஆண்டுகளுக்கு முன்பு உலகம் ஒரு நெருப்பு கோளமாக சூரியனிடமிருந்து பிரிந்து வந்தது இதை big bang theory என்பார்கள். பூமியானது காலப்போக்கில்
( மில்லியன் ஆண்டுகள் கணக்கில்) குளிர்ந்த போது, பூமியிலிருந்து வாயுக்கள், தாது பொருட்கள் மற்ற ரசாயன பொருட்கள் சுருங்கி, தங்களுக்குள்ளேயே ஒரு அடா்த்தியையும் (density), உருவத்தையும் (size) அமைத்து கொண்டன. மற்ற இயற்கை பொருட்களுடன் (மண், கல், தாவரங்கள் போன்றவை) இவையும் கலந்து ரசாயன மாற்றங்கள் அடைந்தன. பூமி உருண்டையின் மத்திய பாகம் (earth center)இன்றும் கொதிக்கும் குழம்பு பாறைகளாகவும், திரவ கணிமங்களாகவும் இருந்து வருகின்றன.
பூமியில் உயிரினங்கள் தோன்றுவதற்கு முன்பு உலகத்தில் இயற்கை சீற்றங்களும் (புயல், மழை, நெருப்பு மழை) கண்டங்களின் சலனங்களும் ( continental movements)  தொடர்ந்து நடைபெற்றன. இதன் மூலம் தான்  பிரபஞ்சத்தில் தனக்கென ஒரு உருவத்தையும் ( shape) சுழற்சியையும் ( rotation) நிலைத் தன்மையையும் (existence) பூமி அடைந்துள்ளது.

ஆயிரக்கணக்கான ஆண்டுகளில் ஏற்பட்ட இந்த மாற்றங்களால்தான் பூமி இன்றுள்ள சமநிலைக்கு வந்துள்ளது. இதையே பூமியின் பாிணாமவளா்ச்சி   (earth's revolutionary process) என்பார்கள். பூமியின் மேல் பாகம் குளிர்ந்த பிறகுதான் பூமியின் மீது உயிரினங்கள் தோன்றின. புல், பூண்டு முதல் மிருகங்கள், மனிதர்கள் வரை பூமியில் உருவாவதற்கு கோடிக்கணக்கான ஆண்டுகள் ஆயின. பூமியின் மத்திய பாகம் இன்றும் நெருப்பு பந்தாக சுழன்று கொண்டிருக்கிறது. அது எப்போதும் பூமியின் வெளிப்புறம் வர துடித்து கொண்டிருக்கிறது. பூமியின் மேல் பரப்பு (earth crust ) பலவீனமாக இருக்கும் இடங்களில் நெருப்பு குழம்பானது (lava) பூமியை பிளந்து கொண்டு வெளியே பீறிடுகிறது. தன்னிடம் உள்ள அருஞ்செல்வங்களையும் சோ்த்துக் கொண்டு எாிமலைகள் (valcano ) மூலம் வெளியே தள்ளுகிறது.

இந்த எாிமலை குழம்புதான் ( lava) ரத்தினங்களின் இயற்கை சுரங்கமாக இருக்கிறது.
எாிமலையானது மனிதா்க்கு எண்ணற்ற துன்பங்களை கொடுத்தாலும், அவைகளால் கிடைக்கும் நற்பலன்கள் ஏராளம். ஏகப்பட்ட ரத்தினங்களும் (Gems), கணிமங்களும் ( elements), பல உலோகங்களும் ( metal ores) எாிமலையிலிருந்து தான் கிடைக்கின்றன.

இயற்கையிலேயே மண்ணிற்குள் எப்போதும் மூல பொருட்களுக்கிடையில் ( between elements) ரசாயன சோ்க்கைகள் நடைபெற்று கொண்டிருக்கின்றன. தாது உப்புக்களும், வாயுக்களும் குறிப்பிட்ட இடத்தில், குறிப்பிட்ட சாதகமான சூழ்நிலைகள் அமையும்போது, அவைகள் ரத்தினங்களாக மாற்றமடைகின்றன. எனவேதான், எல்லா நாடுகளிலும் குறிப்பிட்ட இடங்களில் மட்டுமே ரத்தினங்கள் கிடைக்கின்றன.

அதுமட்டுமல்ல, பூமி நிலைத்தன்மை அடைவதற்கு முன்பு அடிக்கடி பூகம்பங்கள் ( Earthquakes ) ஏற்பட்டன. அப்போது பூமியின் மேலிருந்த தாவரங்களும், பெரும் பாறைகளும், மரங்களும் மற்றும் உயிாிகளும் பூமிக்குள்ளே புதைந்து விட்டன. அவைகள் பூமியின் உள்புற சீதோஷ்ண மாற்றத்தால் (Earth's action on trees or rocks for millions years) அவைகள் தாது உப்புக்களாகவும் (Minerals), ரத்தினங்களாகவும், பலவித பாறைகளாகவும், ரசாயன பொருட்களாகவும் (Various compounds)  பாிணாம வளர்ச்சி அடைந்தன.
இதன் மூலமாகவும் ரத்தினங்கள் உருவாயின. பொதுவாக கார்பன் போன்ற தாதுப் பொருட்களே வைரம் போன்ற விலை உயர்ந்த ரத்தினங்கள் ஆகின்றன. இவைகள் பூமிக்குள் உருவாவதற்கு ஆயிரக்கணக்கான ஆண்டுகள் ஆகின்றன. இயற்கையாக பூமிக்குள் விளையும் போதுதான் ரத்தினங்களுக்கு பலன்களும், விலை மதிப்பும் ( Value of Gems) அதிகாிக்கின்றன. இவ்வகை ரத்தினங்களை Inorganic Gems என்று அழைக்கப்படுகின்றன.

இவைதவிர கடலிலும் பவழம், முத்து, அம்பா் போன்ற ரத்தினங்கள் கிடைக்கின்றன, இவைகள் சிலவகை பூச்சிகளாலும், உயிா்களாலும் உருவாகின்றன. இவைகளை Organic Gems என்று அழைக்கப்படுகின்றன.

இப்படி இயற்கையாக உருவாகும் ஒவ்வொரு  ரத்தினமும் தங்களுக்குள்ள இயற்கை சக்தியால் ( natural characteristics) ஒவ்வொரு  வகையான அதிா்வுகளை (Vibrations) பெற்றிருக்கின்றன. ரத்தினங்கள் ஒவ்வொன்றும் குறிப்பிட்ட தன்மைகள் மின்காந்த அலைகளையே ( Magnetic waves) உருவாக்குகின்றன. மேலும் அவைகள் ஒரே மாதிாியான அலை வீச்சுகளையும் ( Astronomical Radiations) குறிப்பிட்ட கதிா்களை கட்டுப்படுத்தும் தன்மையையும் பெறுகின்றன. இயற்கையாக கிடைக்கும் ரத்தினங்கள் இயற்கையில் கிடைக்கும் கதிா்வீச்சுகளை ( Sun Rays, Earth's Magnetic Vibrations) முறைப்படுத்தும் வல்லமை கொண்டவை.

பூமியில் விளையும் இந்த ரத்தினங்களும் மற்ற உயிாினங்களை போன்று உயிா்த்துடிப்பு உள்ளவைகளாகவும் ஜீவன் உள்ளவைகளாகவும் விளங்குகின்றன.
ஆனால், மனிதன் உருவாக்கும் செயற்கை ரத்தினங்களுக்கு இந்த ஆற்றல்கள் இருப்பதில்லை. சாதாரணமாக கண்ணால் பாா்ப்பதற்கு இரண்டும் ஒன்று போல் இருந்தாலும், சோதனைகளின் மூலம் உண்மையான ரத்தினத்தையும் போலி ரத்தினத்தையும் இனம் பிரித்து விடலாம். இதற்கு மிகுந்த அனுபவம் வேண்டும்.

இயற்கை ரத்தினங்களின் அதிா்வுகளும், கிரகங்களின் அதிா்வுகளும் ஒன்றுக்கொன்று தொடா்புடையவை. அலை அதிா்வு அளவுகள் ( Wave lengths) சமமாக இருக்கும்போது, ஒரு குறிப்பிட்ட ரத்தினத்தின் மூலம், அதற்கு சம அதிர்வுகளுடைய கிரகத்தின் கதிா்களை நாம் கட்டுப்படுத்த முடியும் என்பதே Gemology யின் அடிப்படை உண்மையாகும்.
ரத்தினங்கள் உருவாகும்போதே மின்காந்த அதிர்வுகளை தன்னுள் (Latent) கொண்டுள்ளன. இவைகள் சீரான அணுக்கூட்டங்களை ( Molecular Arrangements) பெற்றுள்ளன. ஒவ்வொரு ரத்தினமும் ஒரு குறிப்பிட்ட சீரான அலை நீளங்கள் (Frequency) மற்றும் ஒரே சீரான அதிர்வுகள் (Vibrations) கொண்டுள்ளன.
இதனால் தான் இன்றைய நவீன காலத்திலும் கடிகாரங்கள் (Watches) தொடர்ந்து ஓடுவதற்காக குவாா்ட்ஸ் ( Quartz) போன்ற கற்கள் வைத்து செய்யப்படுகின்றன. இவைகள் எப்போதும் சீரான மின் அலைகளை வெளிப்படுத்தி கொண்டே இருப்பதால், அந்த கடிகாரமானது தொடர்ந்து இயங்க முடிகிறது.
ஒரு சிறிய ரத்தின கல்லுக்கு ஒரு கடிகாரத்தையே தொடர்ந்து இயக்க வைக்கும் போது, ஒரு சிறந்த ரத்தினத்தை பயன்படுத்தினால் மனிதனின் வாழ்க்கையில் ஏன் நற்பலன்களை ஏற்படுத்த முடியது?

ரத்தினங்களுக்கு பிரபஞ்சத்திலிருந்து வரும் ஒளியலைகளையும் ( Cosmic Waves ) அதிா்வுகளையும் (Vibrations) கிரகித்து, அவற்றை சேமித்து வைத்து, அவைகளை சீா்மைபடுத்தி திரும்பவும் சீரான ஒளியலைகளையும், மின்காந்த அதிர்வுகளையும் வெளியிடும் ஆற்றல் பெற்றவை. நவகிரகங்களிடமிருந்து வெளிவரும் அலைகள் எதிா்மாறான (Negative) தன்மைகளை கொண்டவை. ரத்தினங்கள் அவற்றை கிரகித்து கொண்டு நேரான (Positive) தன்மையாக மாற்றும் ஆற்றல் கொண்டவை ஆகும்.

அகேட்

அகேட் (Agate).
இந்த வகை கற்கள் (Chalcedony) சால்சிடோனி என்ற குடும்பத்தை சார்ந்தது. குவார்ட்ஸ் படிகங்கள் ஒன்றின்மேல் ஒன்றாக இணைந்து இக்கற்கள் உருவாகின்றன.
மேற்பரப்பு வழவழப்பாக (மெழுகு போன்று) இருக்கும், குறுக்காக பலவண்ண கோடுகள் ஒரு கை தேர்ந்த ஒவியனால் உருவாக்கப்பட்டவை போன்று காட்சியளிக்கும். பெரும்பாலும் இவற்றில் ஒளி ஊடுருவும் தன்மை கிடையாது. உலகின் பல இடங்களில், பல வண்ணங்களில் கிடைக்கிறது.

தன்மைகளும் பலன்களும்.
நிலைப்படுத்தும் அல்லது சமன் படுத்தும் தன்மை இக்கற்களுக்கு உண்டு, தேவையற்ற பரபரப்பு, படபடப்பு, கை-கால் நடுக்கங்கள் உள்ளவர்கள் இந்த கற்களை பயன்படுத்தினால் உடல் அமைதியடையும்.

மனதை அமைதிப்படுத்தும் சக்தியும் இக்கற்களுக்கு உண்டு,  அலைபாயும் மனம், கவன சிதறல்கள், வாழ்க்கையில் எவ்வித பிடிப்பும் குறிக்கோளும் இல்லாது மனம் போனபடி வாழ்க்கை என இருப்பவர்கள் இந்த கற்களை பயன்படுத்தினால் மனம் அமைதியடையும், ஒருமுகப்படும் வாழ்க்கையில் ஒரு படிப்பும் குறிக்கோளும் தோன்றும்.
வயதின் காரணமாக (50 வயதிற்கு மேற்பட்ட) தளர்வடைந்து இருப்பவர்கள் இந்த கற்களை பயன்படுத்தினால் புதிய உற்சாகமும் தெம்பும் ஏற்படும்.

தன்னம்பிக்கையை வளர்க்கும்
பேச்சு திறனை வளர்க்கும்
இல்லற வாழ்க்கையில் நெருக்கத்தையும் புரிதலையும் உருவாக்கும்.
ஆன்மிக அதிர்வுகள் உண்டு, தியானம் போன்றவற்றை தொடர்ந்து செய்பவர்கள் இக்கற்கள் அணிந்தால் மனம் ஒரு நிலைப்படுவது எளிதாகும்.
செரிமான மண்டலத்தை (Digestive System) இக்கற்கள் சமநிலைபடுத்தும்,  அஜீரண கோளாறுகள், வயிற்றுப்புண், வாயு தொல்லைகள் உள்ளவர்கள் இக்கற்கள் அணிந்தால் நோயின் தீவிரம் குறையும்.

முக்கியமான வகைகள்
Botswana Agate (போட்ஸ்வானா) சாம்பல் நிறத்தில் இருக்கும்.
Fire Agate (நெருப்பு) ஆரஞ்சு, நீலம், பச்சை ஆகிய நிறத்தில் இருக்கும்.
Moss Agate (பாசி)  கறுப்பு, கருநீலம், காவி நிறத்தில் இருக்கும்.

ஒவ்வொரு நிறத்திற்கு பலன்கள் மாறுபடும்.

ஆம்பர்

ஆம்பர் (Amber).
மனித குலம் முதன் முதலாக பயன்படுத்த துவங்கிய கல் ஆம்பர், கற்கால மனிதர்கள் ஆம்பர் மற்றும் லாபிஸ் லசூலி (Lapiz Lazuli) கற்களை தாயத்துகளிலும், மாலைகளிலும் கட்டி வைத்து உபயோகப்படுத்தியுள்ளது அகழ்வாராய்ச்சிகளில் சான்று கிடைத்துள்ளது.
பல கோடி ஆண்டுகளுக்கு முன்னர் மரங்களில் இருந்து வெளிவரும் பிசின் (Resin) பூமிக்குள் புதைந்து, பூமியின் கீழுள்ள வெப்பத்தாலும் அழுத்தத்தாலும் இறுகி, கற்களாக மாறிவிட்டன (நிலக்கரி போல), ஆம்பர் கற்களின் உட்புறத்தில் சிறு பூச்சிகள், வண்டுகள் அல்லது தாவர பாகங்கள் உறைந்து காணப்படும்.
ஆம்பர் பிசினாக இருந்து காலத்தில் அதன் மேல் ஒட்டிக் கொண்டவையே இவை. மேலும் மேலும் அதில் பிசின் படிய, அவை உட்புறத்தில் மாட்டிக் கொண்டன. பின்னர் கற்களாக மாறும்போது இந்த பூச்சிகளும் மம்மிகள் போன்று உள்ளே அழியாது தங்கிவிடுகின்றன.
ஆம்பர் கற்கள் இளம் மஞ்சள் நிறத்திலிருந்து தேன் போன்ற அடர்ந்த மஞ்சள் நிறம் வரையிலுள்ள பல வண்ணங்களில் கிடைக்கின்றன.

தன்மைகளும் பலன்களும்
வாழ்க்கையில் ஒரு நிலைத் தன்மையை உருவாக்கும்
எதிர்மறை எண்ணங்களை நீக்கி, நம்பிக்கையை வளர்க்கும்
உடலில் உள்ள நேர்சக்தி, எதிர்சக்திகளை (+/-)  சமநிலைபடுத்தும் ( திருஷ்டி சுற்றுவது போல்).
நோய்களால் பாதிக்கப்பட்டவர்கள் இருக்கும் இடத்தில் ஆம்பர் கல்லை வைத்தால் நோயுற்ற இடத்திலுள்ள எதிர்மறையான சக்திகளை (Negative Energy)  உறிஞ்சி அகற்றிவிடும், நோய்களை உடலே குணப்படுத்தி கொள்ள வழிவகுக்கும்.
நரம்பு மண்டலத்தை உறுதிப்படுத்தும்
காது நரம்புகளை வலுவாக்கும்
சுவாசக் கோளாறுகளை நீக்கும்
தைராய்ட், மண்ணீரல் ஆகியவற்றின் இயக்கங்களை அதிகரிக்கும்
நாளமில்லாச் சுரப்பிகள் அனைத்தையும் வலுவடையச் செய்யும்
பல்வலி, தலைவலி, தொண்டைவலி ஆகியவற்றை தடுக்கும்

இக்கற்களை மோதிரத்திலோ மாலையிலோ பதித்து பயன்படுத்த கூடாது.

அமீதிஸ்ட்

அமீதிஸ்ட் (Amethyst)
இக்கற்கள் படிகம் (Quartz) குடும்பத்தை சார்ந்தது, ஆழ்ந்த கருநீல வண்ணத்தில்( கத்திரிக்காய் - Indico)  காணப்படும்.

தன்மைகளும் பலன்களும்
ஆன்மீகத்தில் அதிக நட்டம் தரும்.
மூளையோடு நேரடியாக தொடர்பு கொள்ளகூடிய ஒரு ரத்தினமாகும்.
நரம்பு மண்டல செல்களுக்கிடையேயான செய்தி பரிமாற்றத்தை (Transmission of Neural Signals) அமீதிஸ்ட் அதிகரிப்பதாக ஒரு ஜெர்மனி நாட்டு விஞ்ஞானி கண்டறிந்துள்ளார்.
மனதையும் மூளையையும் நரம்பு மண்டலத்தையும் உறுதியாக்கும்.
மனதை ஒருமுகப்படுத்தும்
நினைவாற்றலை அதிகரிக்கும்
தியானத்தில் உயர் நிலைகளை அடைய முடியும்.
சிந்தனை, பேச்சு, எழுத்து ஆகியவை தெளிவாகும்,  இவற்றில் ஞானம் மிளிரும்.
கலைத்துறையில் உள்ளவர்கள் (குறிப்பாக ஓவியர்கள், கவிஞர்கள், இசையமைப்பாளர், எழுத்தாளர்கள்) அமீதிஸ்ட் பயன்படுத்தினால் அவர்களது படைப்புத்திறன் அதிகமாகும். கோபம் ஆத்திரம், பரபரப்பு ஆகியவை அடங்கும்.
நோய் எதிர்ப்பு சக்தி அதிகரிக்கும்.
தூக்கமின்மையால் அவதிப்படுபவர்களுக்கு நிம்மதியான தூக்கத்தை தரும்.
போதை பழக்கத்திற்கு அடிமையானோர்கள் இக்கற்கள் சற்று அதிக எடையில் பயன்படுத்தினால் அதிலிருந்து திருந்திவிட முடியும்.
குடியினை மறக்க முடியாதவர்களுக்கு இந்த கல்லை அணிவிப்பதின் மூலம் குடிப்பழக்கத்தை விரைவில் விட்டு விடுவார்கள்.

18 வயதுக்கு உட்பட்டவர்கள் இதை பயன்படுத்த கூடாது, பயணத்தினால் அதிக ஆன்மிக நட்டத்தில் துறவு மேற்கொள்ளும் நிலை ஏற்படும்.
முற்றிய மனநோய் உள்ளவர்கள் அமீதிஸ்ட் அணியக்கூடாது.